想知澳門牙醫邊個好?
我今次係想植牙+拔智慧齒，朋友推薦咗幾間，包括：高士德牙科、仁康、博碩。
但去博碩檢查(收費100)完發覺唔洗剥隻智慧牙，哈哈！
咁種一隻牙要幾錢呢？大概2萬-3萬左右。
雖然收費係唔平，但我相信價格同質量係成正比嘅。
價錢貴少少但服務好，做出嚟冇手尾跟先最重要！
我有個朋友喺拱北植牙唔成功，最後要上去拆返落嚟。
亦有朋友去大陸（廣州／深圳）嘅醫院植，搵D好有經驗嘅老醫生整，效果非常滿意。
而且收費比澳門平好多（起碼一半以上），只係要去大陸要花時間同比較麻煩。
講返植牙，我係喺高士德博碩牙科醫療中心搵黃永平醫生整的。
因為近我屋企同埋問過幾間佢最平（一隻2萬）。
整前要照咗3D X光片先（收費500左右），決定做之後再俾訂金同約時間。
我就因為骨頭條件（高度或寬度唔夠），所以要補骨粉，意味我要植牙前做多一個小手術。（導引骨再生術，收費1萬）
雖然話係小手術，但因為同植牙一齊做，打咗麻醉針之後其實都冇感覺。
成個過程都係聽住D機器聲，睇住牙醫同護士努力，大概個半鐘左右就完成。
大約十日後再返去拆線。
等三個月後，要返去印牙模，假牙製作大概要一個星期，最後再裝上就完成啦！
以下係博碩嘅資料，大家有興趣可以打去了解下。（接電話嘅姐姐比較串@@，當然醫生就好好人啦）
博碩牙科醫療中心
Master Dental Health Center
地址: 澳門連勝馬路111A號定安大廈地下
電話: 28800800
分享完畢！大家有咩問題可以留言問我😉
你好! 我之前都去咗博碩牙科醫療中心剝牙 而家嚟緊我都要植牙, 咁跟你個Post日期你植牙都差唔多一年啦，我想問一下，到今時今日 你隻假牙嘅情況係點呢？ 我都知佢哋好專業 但係講到植牙一定要搵一個好嘅牙醫 請問手工做得好嗎？牙齒材料OK嗎？總共付多少錢呢？你可以回复我email rll0226@gmail.com Thank You!!
回覆刪除Hello~我總共用咗澳門幣30500蚊,包括植牙前照嘅3D X光$500+補骨粉$10000+植牙$20000
刪除暫時都冇咩問題,隻假牙望落好真,外表同其他牙一樣.材料我唔係好識,但聽醫生講隻假牙係堅固過D真牙.佢地D儀器好新,感覺都幾先進
至於手工我都幾滿意,隻假牙同周圍嘅牙配合得好好.唔會有唔舒服. 假牙同前後牙之間嘅牙縫係啱啱好嘅 (入到牙線,平時食嘢唔會攝嘢), 只係我拖咗太耐先整,剝牙後前面隻牙有D向後移位,雖然裝咗假牙後係有推前少少,但假牙前面2隻牙之間嘅牙縫終始比其他牙縫大 :(
大概就係咁啦.你可以去照咗X光先(要500蚊),醫生會解釋你知要點整同要幾多錢,了解清楚再決定吧~
祝你一切順利!
作者已經移除這則留言。
回覆刪除請問杜牙齦加牙套幾錢？
回覆刪除我做嘅系種牙，杜牙根價錢就唔系好清楚，可以call醫院電話咨詢下：85365585927
回覆刪除請問老人成口套假牙要幾錢?
回覆刪除邊個牙醫好又收費合理?
我們經歷好似，我都去過高士德、仁康、葉康睇過，講真覺得宜家澳門牙醫質素都好高，儀器睇住亦都幾先進。但收費又確實貴，當時去以上幾家check咗，植牙加埋牙套都普遍要$20000至$30000。
回覆刪除過珠海係平好多，但可能係大陸監管問題？感覺水平都參差不齊，唔似得係澳門睇牙可以咁放心，同埋要過關都好麻煩。
但受迫於生活壓力，我後尾都係選擇到拱北植牙。有提前做足功課，對比過好多家，最終係揀定拱北間叫維港嘅牙科植咗大牙，一共係5800人仔，到宜家感覺都ok