想知澳門牙醫邊個好?
我今次係想植牙+拔智慧齒，朋友推薦咗幾間，包括：高士德牙科、仁康、博碩。
但去博碩檢查(收費100)完發覺唔洗剥隻智慧牙，哈哈！
咁種一隻牙要幾錢呢？大概2萬-3萬左右。
雖然收費係唔平，但我相信價格同質量係成正比嘅。
價錢貴少少但服務好，做出嚟冇手尾跟先最重要！
我有個朋友喺拱北植牙唔成功，最後要上去拆返落嚟。
亦有朋友去大陸（廣州／深圳）嘅醫院植，搵D好有經驗嘅老醫生整，效果非常滿意。
而且收費比澳門平好多（起碼一半以上），只係要去大陸要花時間同比較麻煩。
講返植牙，我係喺高士德博碩牙科醫療中心搵黃永平醫生整的。
因為近我屋企同埋問過幾間佢最平（一隻2萬）。
整前要照咗3D X光片先（收費500左右），決定做之後再俾訂金同約時間。
我就因為骨頭條件（高度或寬度唔夠），所以要補骨粉，意味我要植牙前做多一個小手術。（導引骨再生術，收費1萬）
雖然話係小手術，但因為同植牙一齊做，打咗麻醉針之後其實都冇感覺。
成個過程都係聽住D機器聲，睇住牙醫同護士努力，大概個半鐘左右就完成。
大約十日後再返去拆線。
等三個月後，要返去印牙模，假牙製作大概要一個星期，最後再裝上就完成啦！
以下係博碩嘅資料，大家有興趣可以打去了解下。（接電話嘅姐姐比較串@@，當然醫生就好好人啦）
博碩牙科醫療中心
Master Dental Health Center
地址: 澳門連勝馬路111A號定安大廈地下
電話: 28800800
分享完畢！大家有咩問題可以留言問我😉
